सहयोगी कंपन्या

तुम्ही ज्याला घर म्हणू शकता अशी जागा निर्माण करण्यासाठी संपूर्ण आयुष्य लागू शकते. तुमच्या स्वप्नातील घरापर्यंतच्या प्रवासाचे अंतर थोडेसे कमी करणे हा महिंद्रा रूरल हाऊसिंग फायनान्स लि. (MRHFL) यांचा हेतु आहे.

MRHFL या भारतातील सर्वांत मोठ्या ग्रामीण गृहनिर्माण वित्तपुरवठा कंपनीच्या स्थापनेमागील उद्देश म्हणजे किफायतशीर व लवचिक पद्धतीने गृहकर्ज उपलब्ध करून ग्रामीण आणि निम-शहरी भागातील चित्र बदलून टाकणे. मग घराचे बांधकाम करायचे असेल, खरेदी करायची असेल, त्यामध्ये वाढ (विस्तार) किंवा सुधारणा करायची असेल, अशा घरासंबंधी असलेल्या बहुतांश वित्तीय गरजांसाठी MRHFL कर्ज पुरवठा करते. आज कंपनी १ लाखापेक्षा जास्त ग्राहकांना यशस्वीरित्या सेवा पुरवीत असून, महाराष्ट्र, मध्य प्रदेश, राजस्थान, गुजरात, बिहार, आंध्र प्रदेश, तामिळनाडू, कर्नाटक आणि केरळ अशा राज्यांमधून १७,५०० पेक्षा जास्त गावांमध्ये त्यांचे कामकाज चालते.

खरं तर, ग्रामीण भारतातील काही महत्त्वपूर्ण बदलांसाठी MRHFL जबाबदार ठरले आहेत. कागदपत्रांच्या अभावी दुर्गम भागातील लोकांना प्रस्थापित वित्तीय संस्थांकडून कर्ज मिळण्याची शक्यता फारच कमी असते. आणि स्थानिक पातळीवरील सावकारांकडून कर्ज घेणे फारच महागात पडते. अशा परिस्थितीत, MRHFL महत्त्वाची भूमिका बजावत कमीत कमी कागदपत्रांच्या आधारे परवडणाऱ्या गृहकर्जांचा पुरवठा करते.

कंपनीने मातीच्या अनेक कच्च्या व अस्थिर बांधकामांचे रुपांतर वीट बांधकामाच्या पक्क्या घरांमध्ये करण्यास, तसेच घरांमधील सिमेंटच्या जमिनी बदलून फरशी बसविण्यास मदत केली आहे. थोडक्यात, झोपड्यांचे रूपांतर घरांमध्ये आणि स्वप्नांचे रुपांतर सत्यामध्ये झाले आहे. (झोपड्यांची झाली घरे आणि स्वप्नात पाहिलेले झाले खरे!)

महिंद्रा रूरल हाऊसिंग फायनान्स ही MMFSL ची उपकंपनी ९ एप्रिल २००७ रोजी स्थापन करण्यात आली व हाऊसिंग फायनान्स इन्स्टीट्युशन म्हणून व्यवसाय करण्यासाठी नॅशनल हाऊसिंग बँकेकडून त्यांना १३ ऑगस्ट २००७ रोजी नोंदणी प्रमाणपत्र प्राप्त झाले. महिंद्रा ऐन्ड महिंद्रा फायनान्शियल सर्व्हीसेस लिमिटेड (MMFSL) यांचा MRHFL च्या समभागांमध्ये ८७.५% इतका वाटा असून, उर्वरित १२.५% वाटा नॅशनल हाऊसिंग बँक (NHB) यांच्याकडे आहे. तसेच, NHB ही रिझर्व्ह बँक ऑफ इंडीया (RBI) यांच्या संपूर्ण मालकीची उपकंपनी आहे.

आमचे ध्येय (मिशन):

“एकत्रितपणे काम करून ग्रामीण भागातील लोकांच्या आयुष्यात परिवर्तन घडवून आणणे.”

महिंद्रा होम फायनान्सकडून पुरविल्या जाणाऱ्या सर्व प्रकारच्या सेवांबद्दल माहिती जाणून घेण्यासाठी कृपया त्यांच्या वेबसाईटला भेट द्या.

कंपनीज ऐक्ट, १९५६ अंतर्गत स्थापन करण्यात आलेली महिंद्रा ट्रस्टी कंपनी प्रायव्हेट लिमिटेड ही महिंद्रा म्युच्युअल फंडसाठी विश्वस्त कंपनी आहे. आमच्या विश्वस्त मंडळावर आहेत - बँक ऑफ इंडीयाचे माजी अध्यक्ष आणि व्यवस्थापकीय संचालक श्री. मनोहर जी. भिडे, इंडीयन ओव्हरसीज बँकेचे माजी अध्यक्ष आणि व्यवस्थापकीय संचालक श्री. नरेंद्र मैरपदी, इन्स्टीट्यूट ऑफ चार्टर्ड अकौंटंट्सचे फेलो मेम्बर श्री. गौतम जी. पारेख आणि टचशेअर कन्सल्टींगचे संस्थापक व सीईओ श्री. देवव्रत बंद्योपाध्याय. (त्यांचा संपूर्ण परिचय पाहण्यासाठी येथे क्लिक करा)

असेट मॅनेजमेंट कंपनीच्या प्रक्रिया व यंत्रणा यांच्यावर देखरेख ठेवण्याची महत्त्वाची भूमिका ही ट्रस्टी कंपनी पार पाडत असून, गुंतवणूकदारांच्या हितसंबंधांचे रक्षण करण्यासाठी काम करते.

कंपनीज ऐक्ट, १९५६ अंतर्गत स्थापन करण्यात आलेली महिंद्रा असेट मॅनेजमेंट कंपनी प्रायव्हेट लिमिटेड ही महिंद्रा म्युच्युअल फंडसाठी गुंतवणूक व्यवस्थापक म्हणून काम करते. ही महिंद्रा ऐन्ड महिंद्रा फायनान्शियल सर्व्हीसेस लिमिटेड (MMFSL) यांच्या संपूर्ण मालकीची उपकंपनी आहे. MAMCPL च्या संचालक मंडळामध्ये यांचा समावेश आहे - MMFSL चे कार्यकारी संचालक व सीएफओ श्री. व्ही. रवी, इन्स्टीट्यूट ऑफ चार्टर्ड अकौंटंट्स ऑफ इंडीया (ICAI) चे फेलो मेम्बर श्री. गौतम दिवाण, आयआयएम त्रिची येथील डीन प्रा. जी. सेतू आणि MAMCPL चे एमडी व सीईओ श्री. आशुतोष बिष्णोई.

महिंद्रा फायनान्स सीएसआर फाउंडेशनची स्थापना महिंद्रा ऐन्ड महिंद्रा फायनान्शियल सर्व्हीसेस लिमिटेड यांच्या संपूर्ण मालकीची उपकंपनी म्हणून २ एप्रिल २०१९ रोजी करण्यात आली, जी कंपनीज ऐक्ट, २०१३ च्या कलम ८ अंतर्गत समभागांनी मर्यादीत नॉट फॉर प्रॉफीट कंपनी असून, पुढील गोष्टींना मदत, प्रोत्साहन देण्याचे, तसेच त्यांच्यामध्ये सुधारणा करण्याचे काम करते - शिक्षण, रोजगार, व्यावसायिक कौशल्ये, व शाश्वत उपजीविका, उपचारात्मक व प्रतिबंधात्मक आरोग्यसेवांसंबंधी उपाययोजना; स्वच्छता व सुरक्षित पिण्याच्या पाण्याची उपलब्धता; भूक, गरिबी व कुपोषण यांचे उच्चाटन करण्यासाठी उपाययोजना; शाश्वत पर्यावरणीय व इकोलॉजिकल संतुलन, वगैरे.